close
好耐無同大家Update激光脫毛八卦新聞，黎到2016，剛啱睇蘋果動新聞見到卓韻芝都過咗檔去MediLASE，勾起我想update下究竟而家流行既激光脫毛科技係唔係已經out-dated? 「永久承諾」既激光脫毛效果係唔係真係WORK? 我上網search左幾間激光脫毛公司，忍唔住要開Blog將以下小總結同大家分享下，等大家都識揀 (5*為滿分):
dermes
用TKS激光755波長，係最啱黃皮膚黑毛髮。打明星效應，咁個image又真係幾靚、幾吸引女性。有大集團做後台，可靠，多人揀。佢地出名用凍風機+敷冰，但我怕凍，一諗起個冰袋敷住個”加拿大”，真係起雞皮，所以一直唔敢去試佢地既激光脫毛療程，因為怕做激光脫毛時吹住凍風會比較覺得痛。亦有人話佢地已經無「永久激光脫毛」，張單據只話「永久保養」。唔知誰是誰非，但公道講﹕要永久保養都好正常，因為凍gel溫度會影響激光熱能，冰袋就更加添，會令脫毛效果差咗，佢肯承擔永久保養，都算良心品牌。
冷凍方法: 凍風機、敷冰、敷凍GEL
效果: ****
服務:****
舒適度: *
新品牌用激光755波長，出現咗三兩年已經有20萬正評，先有謝婷婷轉會，再有最新既卓韻芝。Image都幾型幾cool。出名用內置智能降溫科技，將冷凍劑噴落皮膚表面(感覺衛生d)。普遍試過都話舒服、唔hard sell。不過佢地唔打price war，所以唔係平，好少話有免費激光脫毛試做療程，但就有spot test 同埋好詳盡嘅皮膚科學化評估，分析進行激光脫毛的適切性，並制訂個人最佳激光脫毛能量指數，堅持要肯定皮膚OK先會做，仲可以親身體驗智能降溫科技。好多試過嘅SIS都話好快斷尾，唔凍 (佢地話只係涼爽)亦唔痛。我諗可能因為佢地既冷凍劑無影響毛激光脫毛效果，所以快啲斷到尾。亦係暫時較多正評既一間激光脫毛公司。
冷凍方法: 內置智能降溫科技
效果: *****
服務:****
舒適度: ****
銀座Calla
嚟自日本，20年經驗。用緊舊款810波長激光，呢個波長激光能量無755機咁好。做既時候感覺暖暖地，網上SIS都講番佢地激光脫毛療程程序複雜，機頭又細，尤其做大部位時更經常會打漏毛毛。論服務，網上有人評論佢地hard sell，我就未試過，唔敢講，只係聽過有SIS話join咗佢地個388任脫，攪咗近兩年，都仲係有毛毛囉。
冷凍方法: 敷凍gel
效果: **
服務:**
舒適度: ***
Per face
都係用TKS激光755波長，似乎針對學生多d，因為學生優惠較多。網上comment唔多，只係search 到激光脫毛療程前會幫客人搽凍gel，做既時候好痛同唔太痛都有人講，咁唔同部位痛的程度又唔同。D 人做完都係話比較 hard sell。至於效果....係人都知光學脫毛原理係用光熱殺死毛囊，咁凍gel影響毛囊吸能量，自然冇咁易殺死，脫多幾次都係必然架啦。
冷凍方法: 敷凍gel
效果: ***
服務:***
舒適度: ***
其他實用話題: 【激光脫毛】唔敢揀天然降溫方法的3個理由
文章標籤
全站熱搜
留言列表
